Doorzoek het forum
Zoeken met Startpagina
Startpagina Thema's
J Borgers
Webmaster dat stukje wat U heeft verwijdert Het geloof, staat in de Iimburgse krant, gaat U de krant ook verbieden en verwijderen?
reaktie paginabeheer: doordat de bron niet werd genoemd is het bericht aanvankelijk verwijderd - hierbij alsnog het bericht
In godsnaam
Maorde väör het geluif is neet van de islam allein. In Gods naam ginge
christelike kruutsvaarders nao Palestina väör moslims aaf te sjlachte die de
heilige plaatse haje ingepiktj. In de middeliëwe fikdje in gans Europa de
brandjsjtapels vol heidene, en haje beule drökke klandizie aan óngeluivige.
Iëwelang riskeerdje emes dae neet väör Rome waas, de doeëd: joede, kathare,
calviniste. Maorde väör het christelik geluif is bie ós gesjiedenis. In
Nederlandj kan ederein dinke en zègke waat hae wiltj, zónger bang te mótte
zeen väör de kèrk. Bie ós is het geluif weg oet het aopenbaar laeve en waat
miense privé doon, mótte ze zelf weite. Det respektere wae van ein en det
mótte we zoeë haoje.
Mer we höbbe ós de ónverdraagzaamheid in hoes gehaoldj van ekstreem moslims
die neet akseptere det wae angers dinke en doon as zuuj. We laote die blinj
fundamentaliste nog altied häöre gank gaon en miense opsjtäöke väör de
heilige aorlog taege ós. Die moslim-ekstremiste kinne mer ein waorheid: die
van häörzelf. Ze höbbe gein respekt väör de regels en de vrieheid van ós
demokratie. Ze tèlle ein mienselaeve neet en sjpele oet naam van häöre god
väör rechter en beul. Theo van Gogh zooj d'räöver mèt kinne kalle, as hae
vandaag neet gekremeerdj waerdje.
Wae moge ós het recht op ein veilig en vrie landj neet laote verzouwe door
verduldje islamiete. Wae moge ós het recht op ein vrie meining en het recht
väör te geluive in waem of waat we wille neet laote verzouwe door
moslim-extremiste die oet naam van häöre god maorde. As wae neet flot modern
wette make die ós taege die krimineel fanatiekelinge besjerme, dan bèn ich
bang det zich ierstdaags eine ‘sjterke man’ aandeentj. Ich huer al mier
miense aopelik zègke det 'dae kleine mèt det sjnörke mer èns trök mós
kómme'. Allein al väör zónne man wied boete de däör te haoje, mótte we
achterein eine kómaaf make aan het vrie sjpel det we gaeve aan sjlechte
moslims. Väör oze eige bèstwil en väör de bèstwil van al die gooj moslims.
In godsnaam.
